MIÐBAKKINN  - endurheimt borgarrými

Fyrsti umferðargarðurinn á Íslandi hannaður af ARKITÝPU

Föstudaginn 12. júlí opnaði Miðbakkinn  sem endurheimt borgarrými með fjölþætta nýtingu. 

Reykjavíkurborg og Faxaflóahafnir standa að verkefninu að endurheimta Miðbakkann sem almannarými en svæðið hefur á undanförnum árum verið bílastæði. Á Miðbakkanum verður nú lögð áhersla á samspil milli hafnar, borgar og borgarbúa.  Á svæðinu er til að mynda hjólabrettavöllur, hjólaleikvöllur, körfuboltavöllur og matartorg með matarvögnum.

ARKITÝPA hélt utan um borgarhönnun á torginu í samstarfi við Reykjavíkurborg og Faxaflóahafnir. Ráðgjöf og samstarfsaðilar; Hjólafærni, Ugly brothers/ grafískt verk, Reykjavík street food og Hjólabrettaskóli Reykjavíkur

Reykjavíkurborg opnaði einnig á Miðbakkanum fyrsta umferðargarðinn á Höfuðborgarsvæðinu sem er ætlaður ungum vegfarendum og þeirra uppalendum til að þjálfa hjólafærni. Frábær leið fyrir hjólandi vegfarendur á öllum aldri að læra og deila saman góðri hjólamenningu. 

Umferðargarðurinn er hannaður af ARKITÝPU í samstarfi við Hjólafærni.